אך בחלקות תשית למו הפלתם למשואות׃

כחלום מהקיץ אדני בעיר צלמם תבזה׃

רומו מעט ואיננו והמכו ככל יקפצון וכראש שבלת ימלו׃

כי צריכים אתם לסבלנות למען תעשו רצון אלהים ונשאתם את ההבטחה׃

כי עוד מעט רגע והבא יבא לא יאחר׃

הן קץ הכל קרב לכן היו צנועים וערים להתפלל׃

ויזעקו בקול גדול ויאמרו עד מתי אדני הקדוש והאמתי לא תשפט ולא תקום את דמינו מישבי הארץ׃

ויתן לאיש איש מהם שמלות לבנות ויאמר אליהם לנוח עוד זמן מעט עד מלאת מספר העבדים חברים ואחיהם העתידים להרג כמוהם׃

ראיתי רשע עריץ ומתערה כאזרח רענן׃

ויעבר והנה איננו ואבקשהו ולא נמצא׃

כי יראה חכמים ימותו יחד כסיל ובער יאבדו ועזבו לאחרים חילם׃

כי רוח עברה בו ואיננו ולא יכירנו עוד מקומו׃

לא ישוב עוד לביתו ולא יכירנו עוד מקמו׃

ומה לא תשא פשעי ותעביר את עוני כי עתה לעפר אשכב ושחרתני ואינני׃

וגבר ימות ויחלש ויגוע אדם ואיו׃

כחלום יעוף ולא ימצאוהו וידד כחזיון לילה׃

עין שזפתו ולא תוסיף ולא עוד תשורנו מקומו׃

והאלהים אמר לו אתה הכסיל בעצם הלילה הזה ידרשו ממך את נפשך ואשר הכינות לך למי יהיה׃

זה חלק האצר לו אצרות ולא יעשיר באלהים׃

ויאמר אם כן אבי שאל אני מאתך כי תשלח אתו אל בית אבי׃

כי יש לי חמשה אחים למען יעיד בהם פן יבאו גם הם אל מקום המעצבה הזה׃

גם אל יתצך לנצח יחתך ויסחך מאהל ושרשך מארץ חיים סלה׃

ישמח צדיק כי חזה נקם פעמיו ירחץ בדם הרשע׃

ויאמר אדם אך פרי לצדיק אך יש אלהים שפטים בארץ׃

יראו ישרים וישמחו וכל עולה קפצה פיה׃

מי חכם וישמר אלה ויתבוננו חסדי יהוה׃

ויהי כעשרת הימים ויגף יהוה את נבל וימת׃

וישמע דוד כי מת נבל ויאמר ברוך יהוה אשר רב את ריב חרפתי מיד נבל ואת עבדו חשך מרעה ואת רעת נבל השיב יהוה בראשו וישלח דוד וידבר באביגיל לקחתה לו לאשה׃

ויאמר אל בדקר שלשה שא השלכהו בחלקת שדה נבות היזרעאלי כי זכר אני ואתה את רכבים צמדים אחרי אחאב אביו ויהוה נשא עליו את המשא הזה׃

ויבא ויאכל וישת ויאמר פקדו נא את הארורה הזאת וקברוה כי בת מלך היא׃

וישבו ויגידו לו ויאמר דבר יהוה הוא אשר דבר ביד עבדו אליהו התשבי לאמר בחלק יזרעאל יאכלו הכלבים את בשר איזבל׃

ויתלו את המן על העץ אשר הכין למרדכי וחמת המלך שככה׃

ביום ההוא נתן המלך אחשורוש לאסתר המלכה את בית המן צרר היהודיים ומרדכי בא לפני המלך כי הגידה אסתר מה הוא לה׃

ראיך אליך ישגיחו אליך יתבוננו הזה האיש מרגיז הארץ מרעיש ממלכות׃

כל מלכי גוים כלם שכבו בכבוד איש בביתו׃