שיר המעלות אליך נשאתי את עיני הישבי בשמים׃

הנה כעיני עבדים אל יד אדוניהם כעיני שפחה אל יד גברתה כן עינינו אל יהוה אלהינו עד שיחננו׃

פנו אלי והושעו כל אפסי ארץ כי אני אל ואין עוד׃

ונביטה אל ישוע ראש האמונה ומשלימה אשר בעד השמחה השמורה לו סבל את הצלב ויבז החרפה וישב לימין כסא האלהים׃

הביטה ענני יהוה אלהי האירה עיני פן אישן המות׃

כי אתה תאיר נרי יהוה אלהי יגיה חשכי׃

אור זרע לצדיק ולישרי לב שמחה׃

ליהודים היתה אורה ושמחה וששן ויקר׃

מלא פניהם קלון ויבקשו שמך יהוה׃

ויבא יואב אל המלך הבית ויאמר הבשת היום את פני כל עבדיך הממלטים את נפשך היום ואת נפש בניך ובנתיך ונפש נשיך ונפש פלגשיך׃