למנצח לידיתון מזמור לדוד אמרתי אשמרה דרכי מחטוא בלשוני אשמרה לפי מחסום בעד רשע לנגדי׃

מות וחיים ביד לשון ואהביה יאכל פריה׃

האיש הטוב מאוצר לבו הטוב מוציא את הטוב והאיש הרע מאוצר הרע מוציא רע׃

כי מדבריך תצדק ומדבריך תחיב׃

על זאת אחי אהובי יהי כל איש מהיר לשמע קשה לדבר וקשה לכעוס׃

איש מכם אם ידמה להיות עבד אלהים ואיננו שם רסן ללשנו כי אם מתעה הוא את לבבו עבדתו אך לריק תהיה׃

כי כלנו מרבים להכשל ואשר לא יכשל בדבור הוא איש תמים וביכלתו לשום רסן גם לכל גופו׃

ראה מה גדול היער ואש קטנה תבעירנו גם הלשון אש היא עולם מלא עולה׃

כי מין כל בהמה ועוף ורמש וחיות הים יכבש ונכבשים הם על ידי מין האדם׃

בה נברך את האלהים אבינו ובה נקלל את האנשים העשוים בצלם אלהים׃

הוות בקרבה ולא ימיש מרחבה תך ומרמה׃

הפוך רשעים ואינם ובית צדיקים יעמד׃

שפת אמת תכון לעד ועד ארגיעה לשון שקר׃

תועבת יהוה שפתי שקר ועשי אמונה רצונו׃

עד שקרים לא ינקה ויפיח כזבים יאבד׃

ויאמר אך עמי המה בנים לא ישקרו ויהי להם למושיע׃

ואל תשקרו איש בעמיתו כי פשטתם את האדם הישן עם פעלותיו׃

ועתה הסירו מכם כל רשע וכל מרמה וחנפה וקנאה וכל לשון רע׃

אשר חטא לא עשה ולא מרמה בפיו׃

אלה הם אשר לא נגאלו בנשים כי בתולות המה אלה הם ההלכים אחרי השה אל כל אשר ילך אלה נקנו מתוך בני האדם לראשית בכורים לאלהים ולשה׃

ותרמית לא נמצאה בפיהם כי תמימים המה לפני כסא האלהים׃