כי הוא אמר ויהי הוא צוה ויעמד׃

הללו יה הללו את יהוה מן השמים הללוהו במרומים׃

הללוהו שמש וירח הללוהו כל כוכבי אור׃

יהללו את שם יהוה כי הוא צוה ונבראו׃

בראשית ברא אלהים את השמים ואת הארץ׃

ויאמר יהוה אמחה את האדם אשר בראתי מעל פני האדמה מאדם עד בהמה עד רמש ועד עוף השמים כי נחמתי כי עשיתם׃

בראשית היה הדבר והדבר היה את האלהים ואלהים היה הדבר׃

הכל נהיה על ידו ומבלעדיו לא נהיה כל אשר נהיה׃

באמונה נבין כי העולמות נעשו בדבר האלהים למען אשר יצא הנראה מן הנעלם׃

ונסתר מהם באשר לא יאבו לדעת כי מקדם קמו השמים והארץ בדבר אלהים מן המים ועל ידי המים׃

הללוהו כל מלאכיו הללוהו כל צבאו׃

הללוהו שמש וירח הללוהו כל כוכבי אור׃

ויכלו השמים והארץ וכל צבאם׃

ופן תשא עיניך השמימה וראית את השמש ואת הירח ואת הכוכבים כל צבא השמים ונדחת והשתחוית להם ועבדתם אשר חלק יהוה אלהיך אתם לכל העמים תחת כל השמים׃

ושטחום לשמש ולירח ולכל צבא השמים אשר אהבום ואשר עבדום ואשר הלכו אחריהם ואשר דרשום ואשר השתחוו להם לא יאספו ולא יקברו לדמן על פני האדמה יהיו׃

אשר המירו אמת האלהים בכזב ויכבדו ויעבדו את הבריה תחת בראה המברך לעולמים אמן׃

תשלח רוחך יבראון ותחדש פני אדמה׃

וייצר יהוה אלהים את האדם עפר מן האדמה ויפח באפיו נשמת חיים ויהי האדם לנפש חיה׃

ברוחו שמים שפרה חללה ידו נחש בריח׃

רוח אל עשתני ונשמת שדי תחיני׃

ויהי בדברו זאת ויפח בהם ויאמר אליהם קחו לכם את רוח הקדש׃