אמרות יהוה אמרות טהרות כסף צרוף בעליל לארץ מזקק שבעתים׃

פקודי יהוה ישרים משמחי לב מצות יהוה ברה מאירת עינים׃

ידעתי יהוה כי צדק משפטיך ואמונה עניתני׃

על כן כל פקודי כל ישרתי כל ארח שקר שנאתי׃

כל אמרת אלוה צרופה מגן הוא לחסים בו׃

האמור בית יעקב הקצר רוח יהוה אם אלה מעלליו הלוא דברי ייטיבו עם הישר הולך׃

ובכן התורה היא קדושה והמצוה קדושה וישרה וטובה׃

כל ארחות יהוה חסד ואמת לנצרי בריתו ועדתיו׃

יהוה בהשמים חסדך אמונתך עד שחקים׃

צדקתך כהררי אל משפטך תהום רבה אדם ובהמה תושיע יהוה׃

חסד ואמת נפגשו צדק ושלום נשקו׃

אמת מארץ תצמח וצדק משמים נשקף׃

לפני יהוה כי בא כי בא לשפט הארץ ישפט תבל בצדק ועמים באמונתו׃

ויאמר ברוך יהוה אלהי אדני אברהם אשר לא עזב חסדו ואמתו מעם אדני אנכי בדרך נחני יהוה בית אחי אדני׃

הצור תמים פעלו כי כל דרכיו משפט אל אמונה ואין עול צדיק וישר הוא׃

כען אנה נבוכדנצר משבח ומרומם ומהדר למלך שמיא די כל מעבדוהי קשט וארחתה דין ודי מהלכין בגוה יכל להשפלה׃

ויאמר אליו ישוע אנכי הנני הדרך והאמת והחיים לא יבא איש אל האב כי אם על ידי׃

ואני אמר כי ישוע המשיח היה למשרת בני המילה למען אמת האלהים לקים את ההבטחות אשר לאבות׃

והגוים המה יכבדו את האלהים למען רחמיו ככתוב על כן אודך בגוים ולשמך אזמרה׃

עלי תקות חיי העולם אשר הבטיח לפני ימות עולם האל אשר לא ישקר׃