יהוה בהיכל קדשו יהוה בשמים כסאו עיניו יחזו עפעפיו יבחנו בני אדם׃

יהוה משמים השקיף על בני אדם לראות היש משכיל דרש את אלהים׃

כי השקיף ממרום קדשו יהוה משמים אל ארץ הביט׃

וירא אלהים את הארץ והנה נשחתה כי השחית כל בשר את דרכו על הארץ׃

כי יהוה עיניו משטטות בכל הארץ להתחזק עם לבבם שלם אליו נסכלת על זאת כי מעתה יש עמך מלחמות׃

כי הוא לקצות הארץ יביט תחת כל השמים יראה׃

בכל מקום עיני יהוה צפות רעים וטובים׃

עד ישקיף וירא יהוה משמים׃

אלהים משמים השקיף על בני אדם לראות היש משכיל דרש את אלהים׃

האלהי מקרב אני נאם יהוה ולא אלהי מרחק׃

אם יסתר איש במסתרים ואני לא אראנו נאם יהוה הלוא את השמים ואת הארץ אני מלא נאם יהוה׃

ואין כל נברא נסתר מנגדו כי הכל חשוף וגלוי לעיני בעל דברים שלנו׃