ירבו עצבותם אחר מהרו בל אסיך נסכיהם מדם ובל אשא את שמותם על שפתי׃

רבות רעות צדיק ומכלם יצילנו יהוה׃

תמותת רשע רעה ושנאי צדיק יאשמו׃

איש לשון בל יכון בארץ איש חמס רע יצודנו למדחפת׃

חטאים תרדף רעה ואת צדיקים ישלם טוב׃

אשר חטא עשה רע מאת ומאריך לו כי גם יודע אני אשר יהיה טוב ליראי האלהים אשר ייראו מלפניו׃

אוי לרשע רע כי גמול ידיו יעשה לו׃

אין שלום אמר אלהי לרשעים׃

ועל בני המרי ואשר לא ישמעו לאמת כי אם לעולה שמעו חרון אף וחמה׃

צרה ומצוקה על כל נפש אדם עשה הרע על היהודי בראשונה וכן גם על היוני׃

כי שרש כל הרעות אהבת הכסף ויש אשר ערגו לו ויסורו מן האמונה ויעציבו את נפשם במכאבים רבים׃

נשקו בר פן יאנף ותאבדו דרך כי יבער כמעט אפו אשרי כל חוסי בו׃

כי אתה תברך צדיק יהוה כצנה רצון תעטרנו׃

טעמו וראו כי טוב יהוה אשרי הגבר יחסה בו׃

אשרי הגבר אשר שם יהוה מבטחו ולא פנה אל רהבים ושטי כזב׃

יהוה צבאות אשרי אדם בטח בך׃

אשרי שאל יעקב בעזרו שברו על יהוה אלהיו׃

רוצה יהוה את יראיו את המיחלים לחסדו׃

משכיל על דבר ימצא טוב ובוטח ביהוה אשריו׃

הנה אל ישועתי אבטח ולא אפחד כי עזי וזמרת יה יהוה ויהי לי לישועה׃

ושאבתם מים בששון ממעיני הישועה׃

ברוך הגבר אשר יבטח ביהוה והיה יהוה מבטחו׃

והיה כעץ שתול על מים ועל יובל ישלח שרשיו ולא ירא כי יבא חם והיה עלהו רענן ובשנת בצרת לא ידאג ולא ימיש מעשות פרי׃