למנצח מזמור לדוד בך יהוה חסיתי אל אבושה לעולם בצדקתך פלטני׃

אלהי בך בטחתי אל אבושה אל יעלצו איבי לי׃

גם כל קויך לא יבשו יבשו הבוגדים ריקם׃

הביטו אליו ונהרו ופניהם אל יחפרו׃

אל יבשו בי קויך אדני יהוה צבאות אל יכלמו בי מבקשיך אלהי ישראל׃

כי עליך נשאתי חרפה כסתה כלמה פני׃

גוי נתתי למכים ולחיי למרטים פני לא הסתרתי מכלמות ורק׃

ואדני יהוה יעזר לי על כן לא נכלמתי על כן שמתי פני כחלמיש ואדע כי לא אבוש׃

ואכלתם אכול ושבוע והללתם את שם יהוה אלהיכם אשר עשה עמכם להפליא ולא יבשו עמי לעולם׃

וידעתם כי בקרב ישראל אני ואני יהוה אלהיכם ואין עוד ולא יבשו עמי לעולם׃

יבשו ויבהלו מאד כל איבי ישבו יבשו רגע׃

יבשו ויכלמו מבקשי נפשי יסגו אחור ויחפרו חשבי רעתי׃

יבשו ויחפרו יחדו שמחי רעתי ילבשו בשת וכלמה המגדילים עלי׃

יבשו ויחפרו יחד מבקשי נפשי לספותה יסגו אחור ויכלמו חפצי רעתי׃

ישמו על עקב בשתם האמרים לי האח האח׃

יבשו ויחפרו מבקשי נפשי יסגו אחור ויכלמו חפצי רעתי׃

ישובו על עקב בשתם האמרים האח האח׃

גם לשוני כל היום תהגה צדקתך כי בשו כי חפרו מבקשי רעתי׃

מלא פניהם קלון ויבקשו שמך יהוה׃

יבשו ויבהלו עדי עד ויחפרו ויאבדו׃

הן יבשו ויכלמו כל הנחרים בך יהיו כאין ויאבדו אנשי ריבך׃

תבקשם ולא תמצאם אנשי מצתך יהיו כאין וכאפס אנשי מלחמתך׃

בושו וגם נכלמו כלם יחדו הלכו בכלמה חרשי צירים׃

ישראל נושע ביהוה תשועת עולמים לא תבשו ולא תכלמו עד עולמי עד׃

לכן כה אמר אדני יהוה הנה עבדי יאכלו ואתם תרעבו הנה עבדי ישתו ואתם תצמאו הנה עבדי ישמחו ואתם תבשו׃

הנה עבדי ירנו מטוב לב ואתם תצעקו מכאב לב ומשבר רוח תילילו׃

ויהוה אותי כגבור עריץ על כן רדפי יכשלו ולא יכלו בשו מאד כי לא השכילו כלמת עולם לא תשכח׃

ורבים מישני אדמת עפר יקיצו אלה לחיי עולם ואלה לחרפות לדראון עולם׃

לא המתים יהללו יה ולא כל ירדי דומה׃

רגלי חסידו ישמר ורשעים בחשך ידמו כי לא בכח יגבר איש׃

ויאמר אליו רעי איכה באת הנה ואין לך בגדי חתנה ויאלם׃

ויאמר המלך למשרתים אסרו ידיו ורגליו ונשאתם והשלכתם אותו אל החשך החיצון שם תהיה היללה וחרק השנים׃