לכן שמח לבי ויגל כבודי אף בשרי ישכן לבטח׃

עורה כבודי עורה הנבל וכנור אעירה שחר׃

בסדם אל תבא נפשי בקהלם אל תחד כבדי כי באפם הרגו איש וברצנם עקרו שור׃

ויען ויאמר אני אמר לכם כי אם יחשו אלה תזעקנה האבנים׃

כי לא נוכל אנחנו לחדל מדבר את אשר ראינו ושמענו׃

אשירה ליהוה כי גמל עלי׃

ואני תמיד איחל והוספתי על כל תהלתך׃

תרננה שפתי כי אזמרה לך ונפשי אשר פדית׃

בכל יום אברכך ואהללה שמך לעולם ועד׃

הללו יה הללי נפשי את יהוה׃

אהללה יהוה בחיי אזמרה לאלהי בעודי׃

ולכל אחת מארבע החיות שש כנפים מסביב ולפנימה הנה מלאות עינים ואין דמי להן יומם ולילה ואמרות קדוש קדוש קדוש יהוה אלהים צבאות היה והוה ויבוא׃

ומדי תת החיות כבוד והדר ותודה לישב על הכסא אשר הוא חי לעולמי עולמים׃

ויאמרו אמן הברכה והכבוד והחכמה והתודה וההדר והכח והעז לאלהינו לעולמי עולמים אמן׃