קומה יהוה אל נשא ידך אל תשכח עניים׃

משד עניים מאנקת אביונים עתה אקום יאמר יהוה אשית בישע יפיח לו׃

העירה והקיצה למשפטי אלהי ואדני לריבי׃

עורה למה תישן אדני הקיצה אל תזנח לנצח׃

ואתה יהוה אלהים צבאות אלהי ישראל הקיצה לפקד כל הגוים אל תחן כל בגדי און סלה׃

למה תשיב ידך וימינך מקרב חוקך כלה׃

בקום למשפט אלהים להושיע כל ענוי ארץ סלה׃

עורי עורי לבשי עז זרוע יהוה עורי כימי קדם דרות עולמים הלוא את היא המחצבת רהב מחוללת תנין׃

הוי אמר לעץ הקיצה עורי לאבן דומם הוא יורה הנה הוא תפוש זהב וכסף וכל רוח אין בקרבו׃

אלהים הרס שנימו בפימו מלתעות כפירים נתץ יהוה׃

פערו עלי בפיהם בחרפה הכו לחיי יחד עלי יתמלאון׃

ואשברה מתלעות עול ומשניו אשליך טרף׃

יתן למכהו לחי ישבע בחרפה׃