ברוך יהוה כי הפליא חסדו לי בעיר מצור׃

ואני אמרתי בחפזי נגרזתי מנגד עיניך אכן שמעת קול תחנוני בשועי אליך׃

אכן שמע אלהים הקשיב בקול תפלתי׃

ברוך אלהים אשר לא הסיר תפלתי וחסדו מאתי׃

כי שמע אל אביונים יהוה ואת אסיריו לא בזה׃

יהללוהו שמים וארץ ימים וכל רמש בם׃

ויזעקו אל יהוה בצר להם ממצקותיהם יושיעם׃

יודו ליהוה חסדו ונפלאותיו לבני אדם׃

אהבתי כי ישמע יהוה את קולי תחנוני׃

כי הטה אזנו לי ובימי אקרא׃

מן המצר קראתי יה ענני במרחב יה׃