גם כל קויך לא יבשו יבשו הבוגדים ריקם׃

תם וישר יצרוני כי קויתיך׃

חזקו ויאמץ לבבכם כל המיחלים ליהוה׃

נפשנו חכתה ליהוה עזרנו ומגננו הוא׃

למנצח על ידותון מזמור לדוד אך אל אלהים דומיה נפשי ממנו ישועתי׃

אך לאלהים דומי נפשי כי ממנו תקותי׃

קויתי יהוה קותה נפשי ולדברו הוחלתי׃

לישועתך קויתי יהוה׃

וחכיתי ליהוה המסתיר פניו מבית יעקב וקויתי לו׃

ואמר ביום ההוא הנה אלהינו זה קוינו לו ויושיענו זה יהוה קוינו לו נגילה ונשמחה בישועתו׃

אף ארח משפטיך יהוה קוינוך לשמך ולזכרך תאות נפש׃

ולכן יחכה יהוה לחננכם ולכן ירום לרחמכם כי אלהי משפט יהוה אשרי כל חוכי לו׃

טוב ויחיל ודומם לתשועת יהוה׃

כי עוד חזון למועד ויפח לקץ ולא יכזב אם יתמהמה חכה לו כי בא יבא לא יאחר׃

והנה איש היה בירושלים ושמו שמעון והוא איש צדיק וחסיד מחכה לנחמת ישראל ורוח הקדש היה עליו׃

ותקם בשעה ההיא ותגש להדות ליהוה ותדבר עליו באזני כל המחכים לגאלה בירושלים׃

אבל אם נקוה לאשר לא ראינהו נחכה לו בסבלנות׃

חזקו ויאמץ לבבכם כל המיחלים ליהוה׃

וישמעו האחים את בואנו ויצאו משם לקראתנו עד לשוק אפיוס ועד לשלשת החניות וירא אתם פולוס ויודה לאלהים ויתחזק׃

שקדו ועמדו באמונה התאששו והתחזקו׃

אבל אתה היה ער בכל סבל הרעות ועשה מלאכת המבשר ומלא את שרותך׃

המלחמה הטובה נלחמתי את המרוצה השלמתי את האמונה שמרתי׃

ביום קראתי ותענני תרהבני בנפשי עז׃

וקוי יהוה יחליפו כח יעלו אבר כנשרים ירוצו ולא ייגעו ילכו ולא ייעפו׃

ויאמר אלי די לך חסדי כי בחלשה תשלם גבורתי על כן שמח לבי להתהלל בחלשותי למען תשרה עלי גבורת המשיח׃

לכן רצתה נפשי בחלשות ובחרפות ובצרות וברדיפות ובמצוקות בעד המשיח כי כאשר חלשתי אז גבור אני׃

לתת לכם לפי עשר כבודו להתחזק בגבורה על ידי רוחו לאדם הפנימי׃

סוף דבר אחי חזקו באדנינו ובעז גבורתו׃

כל זאת אוכל בעזרת המשיח הנותן כח בקרבי׃

להתחזק בכל כח כגבורת כבודו לכל סבלנות וארך רוח עם שמחה׃