זכר חסדו ואמונתו לבית ישראל ראו כל אפסי ארץ את ישועת אלהינו׃

ויזכר להם בריתו וינחם כרב חסדו׃

שבשפלנו זכר לנו כי לעולם חסדו׃

יהוה אלהים אל תשב פני משיחיך זכרה לחסדי דויד עבדך׃

תמך בישראל עבדו לזכר את רחמיו׃

ישועה מאיבינו ומיד כל שנאינו׃

לעשות חסד עם אבותינו ולזכר את ברית קדשו׃

אתה יהוה לא תכלא רחמיך ממני חסדך ואמתך תמיד יצרוני׃

ואני תפלתי לך יהוה עת רצון אלהים ברב חסדך ענני באמת ישעך׃

ענני יהוה כי טוב חסדך כרב רחמיך פנה אלי׃

הגואל משחת חייכי המעטרכי חסד ורחמים׃

יבאוני רחמיך ואחיה כי תורתך שעשעי׃

יעזב רשע דרכו ואיש און מחשבתיו וישב אל יהוה וירחמהו ואל אלהינו כי ירבה לסלוח׃

הבט משמים וראה מזבל קדשך ותפארתך איה קנאתך וגבורתך המון מעיך ורחמיך אלי התאפקו׃

הבן יקיר לי אפרים אם ילד שעשועים כי מדי דברי בו זכר אזכרנו עוד על כן המו מעי לו רחם ארחמנו נאם יהוה׃

ברחמי חסד אלהינו אשר בהם פקדנו הנגה ממרום׃

ברוך האלהים ואבי אדנינו ישוע המשיח אב הרחמים ואלהי כל הנחמה׃

כי האלהים לי לעד אשר לכלכם נכספתי באהבת ישוע המשיח׃

לכן אם יש תוכחה במשיח אם תנחומות האהבה אם התחברות הרוח אם רחמים וחמלה׃

לכן אתם כבחירי האלהים הקדשים והחביבים לבשו המון רחמים ונדיבות ונמיכות רוח וענוה וארך אפים׃

ואיש אשר לו נכסי העולם והוא ראה את אחיו חסר לחם וקפץ את רחמיו ממנו איך תעמד בו אהבת אלהים׃

הלעולמים יזנח אדני ולא יסיף לרצות עוד׃

השכח חנות אל אם קפץ באף רחמיו סלה׃

אזכיר מעללי יה כי אזכרה מקדם פלאך׃

וחסד יהוה מעולם ועד עולם על יראיו וצדקתו לבני בנים׃

הללויה הודו ליהוה כי טוב כי לעולם חסדו׃

הדו ליהוה כי טוב כי לעולם חסדו׃

ויוצא ישראל מתוכם כי לעולם חסדו׃

לגזר ים סוף לגזרים כי לעולם חסדו׃

ונער פרעה וחילו בים סוף כי לעולם חסדו׃

למכה מלכים גדלים כי לעולם חסדו׃

לסיחון מלך האמרי כי לעולם חסדו׃

ונתן ארצם לנחלה כי לעולם חסדו׃

שבשפלנו זכר לנו כי לעולם חסדו׃

נתן לחם לכל בשר כי לעולם חסדו׃

ויאמר ברוך יהוה אלהי אדני אברהם אשר לא עזב חסדו ואמתו מעם אדני אנכי בדרך נחני יהוה בית אחי אדני׃

ויאמר יעקב אלהי אבי אברהם ואלהי אבי יצחק יהוה האמר אלי שוב לארצך ולמולדתך ואיטיבה עמך׃

נחית בחסדך עם זו גאלת נהלת בעזך אל נוה קדשך׃

ויעבר יהוה על פניו ויקרא יהוה יהוה אל רחום וחנון ארך אפים ורב חסד ואמת׃

ואתה ברחמיך הרבים לא עזבתם במדבר את עמוד הענן לא סר מעליהם ביומם להנחתם בהדרך ואת עמוד האש בלילה להאיר להם ואת הדרך אשר ילכו בה׃

קול ששון וקול שמחה קול חתן וקול כלה קול אמרים הודו את יהוה צבאות כי טוב יהוה כי לעולם חסדו מבאים תודה בית יהוה כי אשיב את שבות הארץ כבראשנה אמר יהוה׃

מי אל כמוך נשא עון ועבר על פשע לשארית נחלתו לא החזיק לעד אפו כי חפץ חסד הוא׃

תתן אמת ליעקב חסד לאברהם אשר נשבעת לאבתינו מימי קדם׃

וחסדו לדור דורים על יראיו׃