ואני בחסדך בטחתי יגל לבי בישועתך׃

יהוה סלעי ומצודתי ומפלטי אלי צורי אחסה בו מגני וקרן ישעי משגבי׃

אלה ברכב ואלה בסוסים ואנחנו בשם יהוה אלהינו נזכיר׃

המה כרעו ונפלו ואנחנו קמנו ונתעודד׃

לדוד שפטני יהוה כי אני בתמי הלכתי וביהוה בטחתי לא אמעד׃

אגורה באהלך עולמים אחסה בסתר כנפיך סלה׃

ימים על ימי מלך תוסיף שנותיו כמו דר ודר׃

ישב עולם לפני אלהים חסד ואמת מן ינצרהו׃

אמר ליהוה מחסי ומצודתי אלהי אבטח בו׃

כי אתה יהוה מחסי עליון שמת מעונך׃

לא תאנה אליך רעה ונגע לא יקרב באהלך׃

ותצר לדוד מאד כי אמרו העם לסקלו כי מרה נפש כל העם איש על בנו ועל בנתיו ויתחזק דוד ביהוה אלהיו׃

בטח באלהים עתה יפלטהו אם חפץ בו כי אמר בן האלהים אני׃

ועוד וקויתי לו ועוד הנה אנכי והילדים אשר נתן לי יהוה׃

אשמחה ואעלצה בך אזמרה שמך עליון׃

בהנחל עליון גוים בהפרידו בני אדם יצב גבלת עמים למספר בני ישראל׃

כי חלק יהוה עמו יעקב חבל נחלתו׃

שויתי יהוה לנגדי תמיד כי מימיני בל אמוט׃

ולה יהיב שלטן ויקר ומלכו וכל עממיא אמיא ולשניא לה יפלחון שלטנה שלטן עלם די לא יעדה ומלכותה די לא תתחבל׃