אל נערץ בסוד קדשים רבה ונורא על כל סביביו׃

לכן אנחנו המקבלים מלכות אשר לא תמוט נבאה נא בתודה ונעבד בה את האלהים לרצון לו בצניעות וביראה׃

כי אלהינו אש אכלה הוא׃

לכו נרננה ליהוה נריעה לצור ישענו׃

כי אל גדול יהוה ומלך גדול על כל אלהים׃

אשר לו הים והוא עשהו ויבשת ידיו יצרו׃

כי הוא אלהינו ואנחנו עם מרעיתו וצאן ידו היום אם בקלו תשמעו׃

יהוה מלך תגל הארץ ישמחו איים רבים׃

יהוה מלך ירגזו עמים ישב כרובים תנוט הארץ׃

סמר מפחדך בשרי וממשפטיך יראתי׃

לכן חביבי כאשר שמעתם לי בכל עת כן לא לבד בהיותי עמכם כי עוד יתר עתה אשר אני רחוק מכם תיגעו בתשועת נפשתיכם ביראה וברעדה׃

על כן נירא נא בהמצא עוד ההבטחה לבוא אל מנוחתו פן יראה איש מכם מאחר פעמיו׃

כי גם אלינו באה הבשורה כמו אליהם אך לא הועיל להם דבר השמועה מפני אשר לא התערב באמונה לשמעים׃

לכן ראו פן תמאנו לשמע אל המדבר כי הן לא נמלטו המאנים לשמע אל המדבר עמהם בארץ אף אנחנו אם נמאן לשמע בקול המדבר מן השמים׃