זרח בחשך אור לישרים חנון ורחום וצדיק׃

אור חשך באהלו ונרו עליו ידעך׃

בהלו נרו עלי ראשי לאורו אלך חשך׃

שם אצמיח קרן לדוד ערכתי נר למשיחי׃

כי אתה נירי יהוה ויהוה יגיה חשכי׃

ולבנו אתן שבט אחד למען היות ניר לדויד עבדי כל הימים לפני בירושלם העיר אשר בחרתי לי לשום שמי שם׃

נר יהוה נשמת אדם חפש כל חדרי בטן׃

למען ציון לא אחשה ולמען ירושלם לא אשקוט עד יצא כנגה צדקה וישועתה כלפיד יבער׃

והולכתי עורים בדרך לא ידעו בנתיבות לא ידעו אדריכם אשים מחשך לפניהם לאור ומעקשים למישור אלה הדברים עשיתם ולא עזבתים׃

העם ההלכים בחשך ראו אור גדול וישבי בארץ צלמות אור נגה עליהם׃

להאיר לישבי חשך וצלמות ולהכין את רגלינו אל דרך השלום׃

ואתם הנכם זרע נבחר ממלכת כהנים וגוי קדוש ועם סגלה למען תספרו תהלות הקורא אתכם מחשך אל אורו הנפלא׃