ויסגר לברד בעירם ומקניהם לרשפים׃

מן גערתך ינוסון מן קול רעמך יחפזון׃

וכל העם ראים את הקולת ואת הלפידם ואת קול השפר ואת ההר עשן וירא העם וינעו ויעמדו מרחק׃

ויהי שמואל מעלה העולה ופלשתים נגשו למלחמה בישראל וירעם יהוה בקול גדול ביום ההוא על פלשתים ויהמם וינגפו לפני ישראל׃

ואם זרוע כאל לך ובקול כמהו תרעם׃

והעם העמדים שמה כשמעם אמרו רעם נשמע ואחרים אמרו מלאך דבר אתו׃

ומן הכסא יוצאים ברקים ורעמים וקולות ושבעה לפידי אש בערים לפני הכסא אשר הם שבעה רוחות האלהים׃

ויקח המלאך את המחתה וימלאה אש מעל המזבח וישלך על הארץ ויהי קולות ורעמים וברקים ורעש׃

ואשמע כקול המון רב וכקול מים רבים וכקול רעמים חזקים ויאמרו הללויה כי מלך אלהינו יהוה צבאות׃

קול יהוה על המים אל הכבוד הרעים יהוה על מים רבים׃

קול יהוה בכח קול יהוה בהדר׃

וקול כנפי הכרובים נשמע עד החצר החיצנה כקול אל שדי בדברו׃

מה יתן לך ומה יסיף לך לשון רמיה׃

חצי גבור שנונים עם גחלי רתמים׃

ימיטו עליהם גחלים באש יפלם במהמרות בל יקומו׃

מזי רעב ולחמי רשף וקטב מרירי ושן בהמות אשלח בם עם חמת זחלי עפר׃

לפניו ילך דבר ויצא רשף לרגליו׃