ושמתי מקום לעמי ישראל ונטעתיהו ושכן תחתיו ולא ירגז עוד ולא יוסיפו בני עולה לבלתו כאשר בראשונה׃

ירדף אויב נפשי וישג וירמס לארץ חיי וכבודי לעפר ישכן סלה׃

יבשו ויכלמו מבקשי נפשי יסגו אחור ויחפרו חשבי רעתי׃

כי חנם טמנו לי שחת רשתם חנם חפרו לנפשי׃

ישלמוני רעה תחת טובה שכול לנפשי׃

ואבי ראה גם ראה את כנף מעילך בידי כי בכרתי את כנף מעילך ולא הרגתיך דע וראה כי אין בידי רעה ופשע ולא חטאתי לך ואתה צדה את נפשי לקחתה׃