קומה יהוה הושיעני אלהי כי הכית את כל איבי לחי שני רשעים שברת׃

קומה יהוה באפך הנשא בעברות צוררי ועורה אלי משפט צוית׃

עורה למה תישן אדני הקיצה אל תזנח לנצח׃

קומה עזרתה לנו ופדנו למען חסדך׃

עת לעשות ליהוה הפרו תורתך׃

עורי עורי לבשי עז זרוע יהוה עורי כימי קדם דרות עולמים הלוא את היא המחצבת רהב מחוללת תנין׃

אלהים שופט צדיק ואל זעם בכל יום׃

ולו הכין כלי מות חציו לדלקים יפעל׃

הוי אשור שבט אפי ומטה הוא בידם זעמי׃

היתפאר הגרזן על החצב בו אם יתגדל המשור על מניפו כהניף שבט את מרימיו כהרים מטה לא עץ׃

באים מארץ מרחק מקצה השמים יהוה וכלי זעמו לחבל כל הארץ׃

הלוא שמעת למרחוק אותה עשיתי מימי קדם ויצרתיה עתה הבאתיה ותהי להשאות גלים נצים ערים בצרות׃

הלוא אתה מקדם יהוה אלהי קדשי לא נמות יהוה למשפט שמתו וצור להוכיח יסדתו׃

לעשות את אשר ידך ועצתך מקדם גזרה להיות׃