בשעה ההיא עלץ ישוע ברוח ויאמר אודך האב אדון השמים והארץ כי הסתרת את אלה מן החכמים והנבונים וגליתם לעללים הן אבי כי כן היה רצון מלפניך׃

הכל נמסר לי מאת אבי ואין יודע מי הוא הבן בלתי האב ומי הוא האב בלתי הבן ואשר יחפץ הבן לגלותו לו׃

למען יזמרך כבוד ולא ידם יהוה אלהי לעולם אודך׃

עורה כבודי עורה הנבל וכנור אעירה שחר׃

לכן שמח לבי ויגל כבודי אף בשרי ישכן לבטח׃

ראה מה גדול היער ואש קטנה תבעירנו גם הלשון אש היא עולם מלא עולה׃

כי מין כל בהמה ועוף ורמש וחיות הים יכבש ונכבשים הם על ידי מין האדם׃

בה נברך את האלהים אבינו ובה נקלל את האנשים העשוים בצלם אלהים׃

אם ימות גבר היחיה כל ימי צבאי איחל עד בוא חליפתי׃

תקרא ואנכי אענך למעשה ידיך תכסף׃

ואחר עורי נקפו זאת ומבשרי אחזה אלוה׃

אשר אני אחזה לי ועיני ראו ולא זר כלו כליתי בחקי׃

ברעתו ידחה רשע וחסה במותו צדיק׃

יחיו מתיך נבלתי יקומון הקיצו ורננו שכני עפר כי טל אורת טלך וארץ רפאים תפיל׃

ועל דבר הישנים אחי לא נכחד מכם דבר למען לא תעצבו כאחרים אשר אין להם תקוה׃

כי אם נאמין אשר מת ישוע ויחי כן יביא האלהים על ידי ישוע גם את הישנים אתו׃