כלה שארי ולבבי צור לבבי וחלקי אלהים לעולם׃

חלקי יהוה אמרתי לשמר דבריך׃

זעקתי אליך יהוה אמרתי אתה מחסי חלקי בארץ החיים׃

כי חלק יהוה עמו יעקב חבל נחלתו׃

לא כאלה חלק יעקב כי יוצר הכל הוא וישראל שבט נחלתו יהוה צבאות שמו׃

חלקי יהוה אמרה נפשי על כן אוחיל לו׃

ימטר על רשעים פחים אש וגפרית ורוח זלעפות מנת כוסם׃

תערך לפני שלחן נגד צררי דשנת בשמן ראשי כוסי רויה׃

כוס ישועות אשא ובשם יהוה אקרא׃

ואל תשתכרו מיין המביא לידי פריצות כי אם המלאו ברוח׃

ואני נסכתי מלכי על ציון הר קדשי׃

כי עשית משפטי ודיני ישבת לכסא שופט צדק׃

כי המלך בטח ביהוה ובחסד עליון בל ימוט׃

תשיתמו כתנור אש לעת פניך יהוה באפו יבלעם ותאכלם אש׃

כי נטו עליך רעה חשבו מזמה בל יוכלו׃

ימים על ימי מלך תוסיף שנותיו כמו דר ודר׃

ישב עולם לפני אלהים חסד ואמת מן ינצרהו׃

עד עולם אכין זרעך ובניתי לדר ודור כסאך סלה׃

מצאתי דוד עבדי בשמן קדשי משחתיו׃

לא ישא אויב בו ובן עולה לא יעננו׃

ואמונתי וחסדי עמו ובשמי תרום קרנו׃

הוא יקראני אבי אתה אלי וצור ישועתי׃

לעולם אשמור לו חסדי ובריתי נאמנת לו׃

אם יעזבו בניו תורתי ובמשפטי לא ילכון׃

ופקדתי בשבט פשעם ובנגעים עונם׃

לא אחלל בריתי ומוצא שפתי לא אשנה׃

זרעו לעולם יהיה וכסאו כשמש נגדי׃

לדוד מזמור נאם יהוה לאדני שב לימיני עד אשית איביך הדם לרגליך׃

מטה עזך ישלח יהוה מציון רדה בקרב איביך׃

נשבע יהוה לדוד אמת לא ישוב ממנה מפרי בטנך אשית לכסא לך׃

שם אצמיח קרן לדוד ערכתי נר למשיחי׃

אויביו אלביש בשת ועליו יציץ נזרו׃

הן עבדי אתמך בו בחירי רצתה נפשי נתתי רוחי עליו משפט לגוים יוציא׃

לכן אחלק לו ברבים ואת עצומים יחלק שלל תחת אשר הערה למות נפשו ואת פשעים נמנה והוא חטא רבים נשא ולפשעים יפגיע׃

את ישוע זה הקים אלהים מן המתים ואנחנו כלנו עדיו׃

את זה נשא האלהים בימינו לשר ולמושיע לתת תשובה לישראל וסליחת החטאים׃

כי הוא מלך ימלך עד כי ישית את כל איביו תחת רגליו׃