למנצח על יונת אלם רחקים לדוד מכתם באחז אתו פלשתים בגת חנני אלהים כי שאפני אנוש כל היום לחם ילחצני׃

למנצח על שושן עדות מכתם לדוד ללמד בהצותו את ארם נהרים ואת ארם צובה וישב יואב ויך את אדום בגיא מלח שנים עשר אלף אלהים זנחתנו פרצתנו אנפת תשובב לנו׃

תמך אשרי במעגלותיך בל נמוטו פעמי׃

שמרני כאישון בת עין בצל כנפיך תסתירני׃

אהבו את יהוה כל חסידיו אמונים נצר יהוה ומשלם על יתר עשה גאוה׃

כי יהוה אהב משפט ולא יעזב את חסידיו לעולם נשמרו וזרע רשעים נכרת׃

אהבי יהוה שנאו רע שמר נפשות חסידיו מיד רשעים יצילם׃

שמר פתאים יהוה דלותי ולי יהושיע׃

לנצר ארחות משפט ודרך חסידו ישמר׃

ויבטחו בך יודעי שמך כי לא עזבת דרשיך יהוה׃

גל אל יהוה יפלטהו יצילהו כי חפץ בו׃

שמרה נפשי והצילני אל אבוש כי חסיתי בך׃

יהוה צבאות אשרי אדם בטח בך׃

שיר המעלות הבטחים ביהוה כהר ציון לא ימוט לעולם ישב׃

אשרי שאל יעקב בעזרו שברו על יהוה אלהיו׃

יצר סמוך תצר שלום שלום כי בך בטוח׃

בטחו ביהוה עדי עד כי ביה יהוה צור עולמים׃

ברוך הגבר אשר יבטח ביהוה והיה יהוה מבטחו׃

והיה כעץ שתול על מים ועל יובל ישלח שרשיו ולא ירא כי יבא חם והיה עלהו רענן ובשנת בצרת לא ידאג ולא ימיש מעשות פרי׃

ואנחנו בלבבנו חרצנו לנו את המות למען לא נהיה בטחים בנפשנו כי אם באלהים המחיה את המתים׃

ובעבור זאת אסבל כאלה ולא אבוש כי יודע אנכי במי האמנתי ומבטח אנכי כי היכלת לו לשמר את פקדוני עד היום ההוא׃