שאו זמרה ותנו תף כנור נעים עם נבל׃

תקעו בחדש שופר בכסה ליום חגנו׃

זמרו ליהוה בכנור בכנור וקול זמרה׃

בחצצרות וקול שופר הריעו לפני המלך יהוה׃

וביום שמחתכם ובמועדיכם ובראשי חדשיכם ותקעתם בחצצרת על עלתיכם ועל זבחי שלמיכם והיו לכם לזכרון לפני אלהיכם אני יהוה אלהיכם׃

ושבניהו ויושפט ונתנאל ועמשי וזכריהו ובניהו ואליעזר הכהנים מחצצרים בחצצרות לפני ארון האלהים ועבד אדם ויחיה שערים לארון׃

וכל ישראל מעלים את ארון ברית יהוה בתרועה ובקול שופר ובחצצרות ובמצלתים משמעים בנבלים וכנרות׃

ועמהם הימן וידותון חצצרות ומצלתים למשמיעים וכלי שיר האלהים ובני ידותון לשער׃

בעדנא די תשמעון קל קרנא משרוקיתא קיתרס סבכא פסנתרין סומפניה וכל זני זמרא תפלון ותסגדון לצלם דהבא די הקים נבוכדנצר מלכא׃

הודו ליהוה בכנור בנבל עשור זמרו לו׃

עלי עשור ועלי נבל עלי הגיון בכנור׃

עורה הנבל וכנור אעירה שחר׃

יהללו שמו במחול בתף וכנור יזמרו לו׃