אשרי האיש אשר לא הלך בעצת רשעים ובדרך חטאים לא עמד ובמושב לצים לא ישב׃

והיה כעץ שתול על פלגי מים אשר פריו יתן בעתו ועלהו לא יבול וכל אשר יעשה יצליח׃

אך טוב וחסד ירדפוני כל ימי חיי ושבתי בבית יהוה לארך ימים׃

כי תקדמנו ברכות טוב תשית לראשו עטרת פז׃

גדול כבודו בישועתך הוד והדר תשוה עליו׃

אחת שאלתי מאת יהוה אותה אבקש שבתי בבית יהוה כל ימי חיי לחזות בנעם יהוה ולבקר בהיכלו׃

אגורה באהלך עולמים אחסה בסתר כנפיך סלה׃

אשרי יושבי ביתך עוד יהללוך סלה׃

שתולים בבית יהוה בחצרות אלהינו יפריחו׃

ויען ישוע ויאמר אליו אמן אמן אני אמר לך אם לא יולד איש מלמעלה לא יוכל לראות מלכות האלהים׃

ויען ישוע אמן אמן אני אמר לך אם לא יולד איש מן המים והרוח לא יוכל לבוא אל מלכות האלהים׃

והיה כי הלכתי והכינותי לכם מקום שוב אשוב ולקחתי אתכם אלי למען באשר אהיה שם תהיו גם אתם׃

אבי חפצתי כי גם הם אשר נתתם לי יהיו עמי באשר אהיה אני למען יחזו את כבודי אשר נתת לי כי אהבתני לפני מוסדות עולם׃

ואמר אליו אדני אתה ידעת ויאמר אלי אלה הם הבאים מן הצרה הגדולה ויכבסו את שמלתם וילבינום בדם השה׃

לא ירעבו עוד ולא יצמאו ולא יכם שמש ושרב׃

ואשמע קול גדול מן השמים לאמר הנה משכן אלהים עם בני האדם ושכן בתוכם והמה יהיו לו לעם והוא האלהים יהיה אתם אלהיהם׃

ומחה אלהים כל דמעה מעיניהם והמות לא יהיה עוד וגם אבל וזעקה וכאב לא יהיה עוד כי הראשנות עברו׃

והעיר איננה צריכה לאור השמש ולנגה הירח כי כבוד אלהים האיר לה ונרה הוא השה׃

והגוים ילכו לאורה ומלכי ארץ מביאים כבודם ותפארתם אליה׃

ואני נסכתי מלכי על ציון הר קדשי׃

קולי אל יהוה אקרא ויענני מהר קדשו סלה׃

שלח אורך ואמתך המה ינחוני יביאוני אל הר קדשך ואל משכנותיך׃

ואבואה אל מזבח אלהים אל אל שמחת גילי ואודך בכנור אלהים אלהי׃

לבני קרח מזמור שיר יסודתו בהררי קדש׃

נכבדות מדבר בך עיר האלהים סלה׃

כי אם באתם אל הר ציון ואל עיר אלהים חיים אל ירושלים שבשמים׃

וארא והנה שה עמד על הר ציון ועמו מאת אלף וארבעים וארבעה אלפים הנשאים שם אביו כתוב על מצחותם׃