כירח יכון עולם ועד בשחק נאמן סלה׃

יהוה מלך גאות לבש לבש יהוה עז התאזר אף תכון תבל בל תמוט׃

לדר ודר אמונתך כוננת ארץ ותעמד׃

למשפטיך עמדו היום כי הכל עבדיך׃

ואשבר עליו חקי ואשים בריח ודלתים׃

ואמר עד פה תבוא ולא תסיף ופא ישית בגאון גליך׃

הידעת חקות שמים אם תשים משטרו בארץ׃

בהכינו שמים שם אני בחוקו חוג על פני תהום׃

בשומו לים חקו ומים לא יעברו פיו בחוקו מוסדי ארץ׃

כי מי נח זאת לי אשר נשבעתי מעבר מי נח עוד על הארץ כן נשבעתי מקצף עליך ומגער בך׃

כה אמר יהוה נתן שמש לאור יומם חקת ירח וכוכבים לאור לילה רגע הים ויהמו גליו יהוה צבאות שמו׃

אם ימשו החקים האלה מלפני נאם יהוה גם זרע ישראל ישבתו מהיות גוי לפני כל הימים׃

כה אמר יהוה אם לא בריתי יומם ולילה חקות שמים וארץ לא שמתי׃