Psaumes 44:1
למנצח לבני קרח משכיל אלהים באזנינו שמענו אבותינו ספרו לנו פעל פעלת בימיהם בימי קדם׃
Psaumes 44:2
אתה ידך גוים הורשת ותטעם תרע לאמים ותשלחם׃
Psaumes 71:18
וגם עד זקנה ושיבה אלהים אל תעזבני עד אגיד זרועך לדור לכל יבוא גבורתך׃
Psaumes 78:3-7
3
אשר שמענו ונדעם ואבותינו ספרו לנו׃
4
לא נכחד מבניהם לדור אחרון מספרים תהלות יהוה ועזוזו ונפלאותיו אשר עשה׃
5
ויקם עדות ביעקב ותורה שם בישראל אשר צוה את אבותינו להודיעם לבניהם׃
6
למען ידעו דור אחרון בנים יולדו יקמו ויספרו לבניהם׃
7
וישימו באלהים כסלם ולא ישכחו מעללי אל ומצותיו ינצרו׃
Exode 12:26
והיה כי יאמרו אליכם בניכם מה העבדה הזאת לכם׃
Exode 12:27
ואמרתם זבח פסח הוא ליהוה אשר פסח על בתי בני ישראל במצרים בנגפו את מצרים ואת בתינו הציל ויקד העם וישתחוו׃
Exode 13:14
והיה כי ישאלך בנך מחר לאמר מה זאת ואמרת אליו בחזק יד הוציאנו יהוה ממצרים מבית עבדים׃
Exode 13:15
ויהי כי הקשה פרעה לשלחנו ויהרג יהוה כל בכור בארץ מצרים מבכר אדם ועד בכור בהמה על כן אני זבח ליהוה כל פטר רחם הזכרים וכל בכור בני אפדה׃
Deutéronome 6:7
ושננתם לבניך ודברת בם בשבתך בביתך ובלכתך בדרך ובשכבך ובקומך׃
Josué 4:21-24
21
ויאמר אל בני ישראל לאמר אשר ישאלון בניכם מחר את אבותם לאמר מה האבנים האלה׃
22
והודעתם את בניכם לאמר ביבשה עבר ישראל את הירדן הזה׃
23
אשר הוביש יהוה אלהיכם את מי הירדן מפניכם עד עברכם כאשר עשה יהוה אלהיכם לים סוף אשר הוביש מפנינו עד עברנו׃
24
למען דעת כל עמי הארץ את יד יהוה כי חזקה היא למען יראתם את יהוה אלהיכם כל הימים׃
Esaïe 38:19
חי חי הוא יודך כמוני היום אב לבנים יודיע אל אמתך׃