כי יפל לא יוטל כי יהוה סומך ידו׃

אם אמרתי מטה רגלי חסדך יהוה יסעדני׃

סעדני ואושעה ואשעה בחקיך תמיד׃

ויאמר האדון שמעון שמעון הנה תבע אתכם השטן לזרותכם כחטים׃

ואני התפללתי בעדך אשר לא תכלה אמונתך ואתה כאשר תשוב חזק את אחיך׃

נעויתי שחתי עד מאד כל היום קדר הלכתי׃

מה תשתוחחי נפשי ותהמי עלי הוחילי לאלהים כי עוד אודנו ישועות פניו׃

יהוה פקח עורים יהוה זקף כפופים יהוה אהב צדיקים׃

והנה אשה טעונת רוח חלי כשמנה עשרה שנה ותהי כפופה ולא יכלה לקום קומה זקופה׃

וישם את ידיו עליה וכרגע קמה ותתעודד ותשבח את האלהים׃