למנצח מזמור לדוד השמים מספרים כבוד אל ומעשה ידיו מגיד הרקיע׃

ישמחו השמים ותגל הארץ ירעם הים ומלאו׃

לפני יהוה כי בא כי בא לשפט הארץ ישפט תבל בצדק ועמים באמונתו׃

זכר חסדו ואמונתו לבית ישראל ראו כל אפסי ארץ את ישועת אלהינו׃

זמרו ליהוה בכנור בכנור וקול זמרה׃

ירעם הים ומלאו תבל וישבי בה׃

לפני יהוה כי בא לשפט הארץ ישפט תבל בצדק ועמים במישרים׃

ברכו יהוה כל מעשיו בכל מקמות ממשלתו ברכי נפשי את יהוה׃

מה רבו מעשיך יהוה כלם בחכמה עשית מלאה הארץ קנינך׃

הללו יה הללו את יהוה מן השמים הללוהו במרומים׃

הללוהו שמש וירח הללוהו כל כוכבי אור׃

יהללו את שם יהוה כי הוא צוה ונבראו׃

הללו את יהוה מן הארץ תנינים וכל תהמות׃

ההרים וכל גבעות עץ פרי וכל ארזים׃

מלכי ארץ וכל לאמים שרים וכל שפטי ארץ׃

יהללו את שם יהוה כי נשגב שמו לבדו הודו על ארץ ושמים׃

תכבדני חית השדה תנים ובנות יענה כי נתתי במדבר מים נהרות בישימן להשקות עמי בחירי׃

רנו שמים כי עשה יהוה הריעו תחתיות ארץ פצחו הרים רנה יער וכל עץ בו כי גאל יהוה יעקב ובישראל יתפאר׃

יען אשר דעת האלהים גלויה בקרבם כי האלהים הודיעם אותה׃

כי מהותו הנעלמה היא כחו הנצחי ואלהותו מעת נברא העולם תודע במעשים ותראה לבלתי היות להם להתנצל׃

יראי יהוה הללוהו כל זרע יעקב כבדוהו וגורו ממנו כל זרע ישראל׃

זמרו ליהוה חסידיו והודו לזכר קדשו׃

שמחו ביהוה וגילו צדיקים והרנינו כל ישרי לב׃

שמחו צדיקים ביהוה והודו לזכר קדשו׃

בית ישראל ברכו את יהוה בית אהרן ברכו את יהוה׃

ברוך יהוה מציון שכן ירושלם הללו יה׃

וירם קרן לעמו תהלה לכל חסידיו לבני ישראל עם קרבו הללו יה׃

עם זו יצרתי לי תהלתי יספרו׃

לכן נקריב על ידו בכל עת זבח תודה לאלהים היא פרי שפתים המודות לשמו׃

ונבניתם גם אתם כאבנים חיות לבית רוחני לכהנת קדש להעלות זבחי רוח לרצון לאלהים בישוע המשיח׃

ואתם הנכם זרע נבחר ממלכת כהנים וגוי קדוש ועם סגלה למען תספרו תהלות הקורא אתכם מחשך אל אורו הנפלא׃

אחרי כן ראיתי והנה המון רב אשר לא יכל איש למנותו מכל הגוים והמשפחות והעמים והלשנות ויעמדו לפני הכסא ולפני השה מלבשים שמלות לבנות וכפות תמרים בידיהם׃

וכל המלאכים עמדו סביב לכסא וסביב לזקנים ולארבע החיות ויפלו על פניהם לפני הכסא וישתחוו לאלהים׃

וקול יוצא מן הכסא ויאמר הללו את אלהינו כל עבדיו ויראיו הקטנים עם הגדולים׃

ואשמע כקול המון רב וכקול מים רבים וכקול רעמים חזקים ויאמרו הללויה כי מלך אלהינו יהוה צבאות׃