וירעם בשמים יהוה ועליון יתן קלו ברד וגחלי אש׃

וישלח חציו ויפיצם וברקים רב ויהמם׃

זרמו מים עבות קול נתנו שחקים אף חצציך יתהלכו׃

קול רעמך בגלגל האירו ברקים תבל רגזה ותרעש הארץ׃

וישת חשך סביבתיו סכות חשרת מים עבי שחקים׃

ירעם מן שמים יהוה ועליון יתן קולו׃

אם לא ישוב חרבו ילטוש קשתו דרך ויכוננה׃

כי תשיתמו שכם במיתריך תכונן על פניהם׃

חציך שנונים עמים תחתיך יפלו בלב אויבי המלך׃

אספה עלימו רעות חצי אכלה בם׃

אשכיר חצי מדם וחרבי תאכל בשר מדם חלל ושביה מראש פרעות אויב׃