ויט שמים וירד וערפל תחת רגליו׃

לוא קרעת שמים ירדת מפניך הרים נזלו׃

כקדח אש המסים מים תבעה אש להודיע שמך לצריך מפניך גוים ירגזו׃

המביט לארץ ותרעד יגע בהרים ויעשנו׃

והר סיני עשן כלו מפני אשר ירד עליו יהוה באש ויעל עשנו כעשן הכבשן ויחרד כל ההר מאד׃

יהוה ארך אפים וגדול כח ונקה לא ינקה יהוה בסופה ובשערה דרכו וענן אבק רגליו׃

הרים רעשו ממנו והגבעות התמגגו ותשא הארץ מפניו ותבל וכל ישבי בה׃

אלוה מתימן יבוא וקדוש מהר פארן סלה כסה שמים הודו ותהלתו מלאה הארץ׃

לפניו ילך דבר ויצא רשף לרגליו׃

כי לא באתם אל הר נמשש ובער באש ולא אל ענן וערפל וסערה׃