יהוה סלעי ומצודתי ומפלטי אלי צורי אחסה בו מגני וקרן ישעי משגבי׃

כי מי אלוה מבלעדי יהוה ומי צור זולתי אלהינו׃

היה לי לצור מעון לבוא תמיד צוית להושיעני כי סלעי ומצודתי אתה׃

לכו נרננה ליהוה נריעה לצור ישענו׃

איכה ירדף אחד אלף ושנים יניסו רבבה אם לא כי צורם מכרם ויהוה הסגירם׃

כי לא כצורנו צורם ואיבינו פלילים׃

בטחו ביהוה עדי עד כי ביה יהוה צור עולמים׃

אך ביהוה לי אמר צדקות ועז עדיו יבוא ויבשו כל הנחרים בו׃

מלמד ידי למלחמה ונחתה קשת נחושה זרועתי׃

כי לא בחרבם ירשו ארץ וזרועם לא הושיעה למו כי ימינך וזרועך ואור פניך כי רציתם׃

אתה הוא מלכי אלהים צוה ישועות יעקב׃

באלהים נעשה חיל והוא יבוס צרינו׃

מלמד ידי למלחמה ונחת קשת נחושה זרעתי׃

כי כלי מלחמתנו אינם של הבשר כי אם חזקים הם לאלהים להרס מבצרים׃

סוף דבר אחי חזקו באדנינו ובעז גבורתו׃

לבשו כלי נשק אלהים למען תוכלו עמד נגד נכלי השטן׃