למנצח מזמור לדוד עד אנה יהוה תשכחני נצח עד אנה תסתיר את פניך ממני׃

הביטה ענני יהוה אלהי האירה עיני פן אישן המות׃

רצה יהוה להצילני יהוה לעזרתי חושה׃

ואני עני ואביון אדני יחשב לי עזרתי ומפלטי אתה אלהי אל תאחר׃

ואני עני ואביון אלהים חושה לי עזרי ומפלטי אתה יהוה אל תאחר׃

אלהים אל תרחק ממני אלהי לעזרתי חישה׃

כי אפפו עלי רעות עד אין מספר השיגוני עונתי ולא יכלתי לראות עצמו משערות ראשי ולבי עזבני׃

יגעתי בקראי נחר גרוני כלו עיני מיחל לאלהי׃

כי לא לעולם אריב ולא לנצח אקצוף כי רוח מלפני יעטוף ונשמות אני עשיתי׃

וימוגו בני האדם מאימה ומחרדת הבאות על כל הארץ כי כחות השמים יתמוטטו׃

כי לא בזה ולא שקץ ענות עני ולא הסתיר פניו ממנו ובשועו אליו שמע׃

אל תסתר פניך ממני אל תט באף עבדך עזרתי היית אל תטשני ואל תעזבני אלהי ישעי׃

ואל תסתר פניך מעבדך כי צר לי מהר ענני׃

וחכיתי ליהוה המסתיר פניו מבית יעקב וקויתי לו׃

לדוד אליך יהוה אקרא צורי אל תחרש ממני פן תחשה ממני ונמשלתי עם יורדי בור׃

נחשבתי עם יורדי בור הייתי כגבר אין איל׃

שתני בבור תחתיות במחשכים במצלות׃

כי לא שאול תודך מות יהללך לא ישברו יורדי בור אל אמתך׃