אמרת ליהוה אדני אתה טובתי בל עליך׃

יהוה מנת חלקי וכוסי אתה תומיך גורלי׃

חבלים נפלו לי בנעמים אף נחלת שפרה עלי׃

ואני עליך בטחתי יהוה אמרתי אלהי אתה׃

אמר ליהוה מחסי ומצודתי אלהי אבטח בו׃

חלקי יהוה אמרתי לשמר דבריך׃

זעקתי אליך יהוה אמרתי אתה מחסי חלקי בארץ החיים׃

חלקי יהוה אמרה נפשי על כן אוחיל לו׃

והבאתי את השלשית באש וצרפתים כצרף את הכסף ובחנתים כבחן את הזהב הוא יקרא בשמי ואני אענה אתו אמרתי עמי הוא והוא יאמר יהוה אלהי׃

שמע יהוה קולי אקרא וחנני וענני׃

לך אמר לבי בקשו פני את פניך יהוה אבקש׃

לדוד אליך יהוה אקרא צורי אל תחרש ממני פן תחשה ממני ונמשלתי עם יורדי בור׃

שמע קול תחנוני בשועי אליך בנשאי ידי אל דביר קדשך׃

למנצח בנגינת משכיל לדוד האזינה אלהים תפלתי ואל תתעלם מתחנתי׃

הקשיבה לי וענני אריד בשיחי ואהימה׃

למנצח מזמור לדוד שמע אלהים קולי בשיחי מפחד אויב תצר חיי׃