רשע כגבה אפו בל ידרש אין אלהים כל מזמותיו׃

אמר בלבו בל אמוט לדר ודר אשר לא ברע׃

ישב במארב חצרים במסתרים יהרג נקי עיניו לחלכה יצפנו׃

ודכה ישח ונפל בעצומיו חלכאים׃

קומה יהוה אל נשא ידך אל תשכח עניים׃

שמרני כאישון בת עין בצל כנפיך תסתירני׃

חלבמו סגרו פימו דברו בגאות׃

דמינו כאריה יכסוף לטרוף וככפיר ישב במסתרים׃

כי חנם טמנו לי שחת רשתם חנם חפרו לנפשי׃

אל תבואני רגל גאוה ויד רשעים אל תנדני׃

רשת הכינו לפעמי כפף נפשי כרו לפני שיחה נפלו בתוכה סלה׃

טפלו עלי שקר זדים אני בכל לב אצר פקודיך׃

כרו לי זדים שיחות אשר לא כתורתך׃

נתנו רשעים פח לי ומפקודיך לא תעיתי׃

חננו יהוה חננו כי רב שבענו בוז׃

רבת שבעה לה נפשנו הלעג השאננים הבוז לגאיונים׃

שמרני מידי פח יקשו לי ומקשות פעלי און׃

יפלו במכמריו רשעים יחד אנכי עד אעבור׃

בהתעטף עלי רוחי ואתה ידעת נתיבתי בארח זו אהלך טמנו פח לי׃

גבר מחליק על רעהו רשת פורש על פעמיו׃

ויאמרו לכו ונחשבה על ירמיהו מחשבות כי לא תאבד תורה מכהן ועצה מחכם ודבר מנביא לכו ונכהו בלשון ואל נקשיבה אל כל דבריו׃

הישלם תחת טובה רעה כי כרו שוחה לנפשי זכר עמדי לפניך לדבר עליהם טובה להשיב את חמתך מהם׃

תשמע זעקה מבתיהם כי תביא עליהם גדוד פתאם כי כרו שיחה ללכדני ופחים טמנו לרגלי׃

ויהי כדברו להם את אלה ויחלו הסופרים והפרושים לשטם אותו מאד ולהקשות לו בדברים רבים׃

ויארבו לו ויבקשו לצודד דבר מפיהו למען ימצאו עליו שטנה׃

ויארבו לו וישלחו מארבים והם נדמו כצדיקים למען ילכדו אותו בדבר להסגירו אל השררה ואל יד ההגמון׃

המתר לנו לתת מס אל הקיסר אם לא׃