יהוה אלהי אם עשיתי זאת אם יש עול בכפי׃

אם גמלתי שולמי רע ואחלצה צוררי ריקם׃

בחנת לבי פקדת לילה צרפתני בל תמצא זמתי בל יעבר פי׃

בוטח בלבו הוא כסיל והולך בחכמה הוא ימלט׃

עקב הלב מכל ואנש הוא מי ידענו׃

אני יהוה חקר לב בחן כליות ולתת לאיש כדרכו כפרי מעלליו׃

והזהרו פן יש בכם איש מתאחר מחסד אלהים פן יוגיעכם שרש פרה לענה ויטמאו בו רבים׃

פן ימצא בכם זנה או חלל כעשו אשר בנזיד אחד מכר את בכורתו׃

יהוה נחני בצדקתך למען שוררי הושר לפני דרכך׃

טוב וישר יהוה על כן יורה חטאים בדרך׃

ידרך ענוים במשפט וילמד ענוים דרכו׃

אשרי תמימי דרך ההלכים בתורת יהוה׃

דרך מצותיך ארוץ כי תרחיב לבי׃

השמיעני בבקר חסדך כי בך בטחתי הודיעני דרך זו אלך כי אליך נשאתי נפשי׃

למדני לעשות רצונך כי אתה אלוהי רוחך טובה תנחני בארץ מישור׃

ומה צר הפתח ומוצק הדרך המביא לחיים ומעטים הם אשר ימצאוהו׃

ויאמר אליו ישוע אנכי הנני הדרך והאמת והחיים לא יבא איש אל האב כי אם על ידי׃

לכן כאשר קבלתם את המשיח את ישוע אדנינו כן גם התהלכו בו׃