כי הוא על ימים יסדה ועל נהרות יכוננה׃

עטה אור כשלמה נוטה שמים כיריעה׃

המקרה במים עליותיו השם עבים רכובו המהלך על כנפי רוח׃

ויאמר אלהים יקוו המים מתחת השמים אל מקום אחד ותראה היבשה ויהי כן׃

נטה צפון על תהו תלה ארץ על בלי מה׃

תרקיע עמו לשחקים חזקים כראי מוצק׃

הישב על חוג הארץ וישביה כחגבים הנוטה כדק שמים וימתחם כאהל לשבת׃

כה אמר יהוה גאלך ויצרך מבטן אנכי יהוה עשה כל נטה שמים לבדי רקע הארץ מי אתי׃

עשה ארץ בכחו מכין תבל בחכמתו ובתבונתו נטה שמים׃

משא דבר יהוה על ישראל נאם יהוה נטה שמים ויסד ארץ ויצר רוח אדם בקרבו׃

ונסתר מהם באשר לא יאבו לדעת כי מקדם קמו השמים והארץ בדבר אלהים מן המים ועל ידי המים׃

גם השמים והארץ אשר לפנינו נצפנו בדברו והם שמורים לאש ליום הדין ואבד אנשי הרשע׃