עזרנו בשם יהוה עשה שמים וארץ׃

אשרי שאל יעקב בעזרו שברו על יהוה אלהיו׃

עשה שמים וארץ את הים ואת כל אשר בם השמר אמת לעולם׃

מי יתן מציון ישועת ישראל בשוב יהוה שבות עמו יגל יעקב ישמח ישראל׃

ישלח עזרך מקדש ומציון יסעדך׃

מטה עזך ישלח יהוה מציון רדה בקרב איביך׃

יברכך יהוה מציון וראה בטוב ירושלם כל ימי חייך׃

ברוך יהוה מציון שכן ירושלם הללו יה׃

ובכן כל ישראל יושע ככתוב ובא לציון גואל וישיב פשע מיעקב׃