ואל תבוא במשפט את עבדך כי לא יצדק לפניך כל חי׃

אמנם ידעתי כי כן ומה יצדק אנוש עם אל׃

אם יחפץ לריב עמו לא יעננו אחת מני אלף׃

אם אצדק פי ירשיעני תם אני ויעקשני׃

אם חטאתי ושמרתני ומעוני לא תנקני׃

מה אנוש כי יזכה וכי יצדק ילוד אשה׃

כלנו כצאן תעינו איש לדרכו פנינו ויהוה הפגיע בו את עון כלנו׃

ויהי כאשר הוסיפו לשאל אתו וישא את עיניו ויאמר אליהם מי בכם זך בלי פשע הוא ראשונה ידה בה אבן׃

ויהי כשמעם ויך לבם אתם ויצאו אחד אחד החוצה החל מן הזקנים ועד האחרונים ויותר ישוע לבדו והאשה נצבת בתוך׃

יען אשר ממעשי התורה לא יצדק לפניו כל בשר כי על ידי התורה דעת החטא׃

והיא צדקת אלהים באמונת ישוע המשיח אל כל ועל כל אשר האמינו בו כי אין הבדל׃

ונצדקו חנם בחסדו על ידי הפדות אשר היתה במשיח ישוע׃