הודיעני יהוה קצי ומדת ימי מה היא אדעה מה חדל אני׃

הנה טפחות נתתה ימי וחלדי כאין נגדך אך כל הבל כל אדם נצב סלה׃

זכר אני מה חלד על מה שוא בראת כל בני אדם׃

מי גבר יחיה ולא יראה מות ימלט נפשו מיד שאול סלה׃

למנות ימינו כן הודע ונבא לבב חכמה׃

ימי קלו מני ארג ויכלו באפס תקוה׃

לא תשורני עין ראי עיניך בי ואינני׃

קומה יהוה באפך הנשא בעברות צוררי ועורה אלי משפט צוית׃

ויזעקו בקול גדול ויאמרו עד מתי אדני הקדוש והאמתי לא תשפט ולא תקום את דמינו מישבי הארץ׃

ויתן לאיש איש מהם שמלות לבנות ויאמר אליהם לנוח עוד זמן מעט עד מלאת מספר העבדים חברים ואחיהם העתידים להרג כמוהם׃