Psaumes 119:171
תבענה שפתי תהלה כי תלמדני חקיך׃
Psaumes 9:1
למנצח עלמות לבן מזמור לדוד אודה יהוה בכל לבי אספרה כל נפלאותיך׃
Psaumes 86:12
אודך אדני אלהי בכל לבבי ואכבדה שמך לעולם׃
Psaumes 86:13
כי חסדך גדול עלי והצלת נפשי משאול תחתיה׃
1 Chroniques 29:13-17
13
ועתה אלהינו מודים אנחנו לך ומהללים לשם תפארתך׃
14
וכי מי אני ומי עמי כי נעצר כח להתנדב כזאת כי ממך הכל ומידך נתנו לך׃
15
כי גרים אנחנו לפניך ותושבים ככל אבתינו כצל ימינו על הארץ ואין מקוה׃
16
יהוה אלהינו כל ההמון הזה אשר הכיננו לבנות לך בית לשם קדשך מידך היא ולך הכל׃
17
וידעתי אלהי כי אתה בחן לבב ומישרים תרצה אני בישר לבבי התנדבתי כל אלה ועתה עמך הנמצאו פה ראיתי בשמחה להתנדב לך׃
Psaumes 119:12
ברוך אתה יהוה למדני חקיך׃
Psaumes 119:18
גל עיני ואביטה נפלאות מתורתך׃
Psaumes 119:19
גר אנכי בארץ אל תסתר ממני מצותיך׃
Psaumes 119:27
דרך פקודיך הבינני ואשיחה בנפלאותיך׃
Psaumes 119:33
הורני יהוה דרך חקיך ואצרנה עקב׃
Psaumes 119:34
הבינני ואצרה תורתך ואשמרנה בכל לב׃
Psaumes 119:64
חסדך יהוה מלאה הארץ חקיך למדני׃
Psaumes 119:73
ידיך עשוני ויכוננוני הבינני ואלמדה מצותיך׃
Psaumes 119:124
עשה עם עבדך כחסדך וחקיך למדני׃
Psaumes 25:4
דרכיך יהוה הודיעני ארחותיך למדני׃
Psaumes 25:5
הדריכני באמתך ולמדני כי אתה אלהי ישעי אותך קויתי כל היום׃
Psaumes 25:8-10
8
טוב וישר יהוה על כן יורה חטאים בדרך׃
9
ידרך ענוים במשפט וילמד ענוים דרכו׃
10
כל ארחות יהוה חסד ואמת לנצרי בריתו ועדתיו׃
Psaumes 143:10
למדני לעשות רצונך כי אתה אלוהי רוחך טובה תנחני בארץ מישור׃
Esaïe 48:17
כה אמר יהוה גאלך קדוש ישראל אני יהוה אלהיך מלמדך להועיל מדריכך בדרך תלך׃
Jean 6:45
הלא כתוב בנביאים וכל בניך למודי יהוה לכן כל אשר שמע מן האב ולמד יבא אלי׃