גמל על עבדך אחיה ואשמרה דברך׃

אשירה ליהוה כי גמל עלי׃

יהוה מנת חלקי וכוסי אתה תומיך גורלי׃

חבלים נפלו לי בנעמים אף נחלת שפרה עלי׃

ותתן לי מגן ישעך וימינך תסעדני וענותך תרבני׃

תערך לפני שלחן נגד צררי דשנת בשמן ראשי כוסי רויה׃

אך טוב וחסד ירדפוני כל ימי חיי ושבתי בבית יהוה לארך ימים׃

הפכת מספדי למחול לי פתחת שקי ותאזרני שמחה׃

שובי נפשי למנוחיכי כי יהוה גמל עליכי׃

וכי מי אני ומי עמי כי נעצר כח להתנדב כזאת כי ממך הכל ומידך נתנו לך׃