יומם יצוה יהוה חסדו ובלילה שירה עמי תפלה לאל חיי׃

אם זכרתיך על יצועי באשמרות אהגה בך׃

אזכרה נגינתי בלילה עם לבבי אשיחה ויחפש רוחי׃

אספרם מחול ירבון הקיצתי ועודי עמך׃

ויותר יעקב לבדו ויאבק איש עמו עד עלות השחר׃

ויאמר שלחני כי עלה השחר ויאמר לא אשלחך כי אם ברכתני׃

ויאמר לא יעקב יאמר עוד שמך כי אם ישראל כי שרית עם אלהים ועם אנשים ותוכל׃

מרב עשוקים יזעיקו ישועו מזרוע רבים׃

ולא אמר איה אלוה עשי נתן זמרות בלילה׃

נפשי אויתיך בלילה אף רוחי בקרבי אשחרך כי כאשר משפטיך לארץ צדק למדו ישבי תבל׃

ויהי בימים ההם ויצא ההרה להתפלל ויעמד כל הלילה בתפלה לאלהים׃

ויהי כחצות הלילה ויתפללו פולוס וסילא ויזמרו לאלהים והאסורים מקשיבים אליהם׃

גמל על עבדך אחיה ואשמרה דברך׃

הבינני ואצרה תורתך ואשמרנה בכל לב׃

מי אשר מצותי אתו וינצרן זה הוא אשר יאהבני ואהבי אהוב הוא לאבי ואני אהבהו ואליו אתודע׃

אם תשמרו את מצותי תעמדו באהבתי כאשר שמרתי גם אני את מצות אבי ועמדתי באהבתו׃