בשפתי ספרתי כל משפטי פיך׃

ולרשע אמר אלהים מה לך לספר חקי ותשא בריתי עלי פיך׃

הצילני מדמים אלהים אלהי תשועתי תרנן לשוני צדקתך׃

אדני שפתי תפתח ופי יגיד תהלתך׃

אלהים למדתני מנעורי ועד הנה אגיד נפלאותיך׃

וגם עד זקנה ושיבה אלהים אל תעזבני עד אגיד זרועך לדור לכל יבוא גבורתך׃

ואני זאת בריתי אותם אמר יהוה רוחי אשר עליך ודברי אשר שמתי בפיך לא ימושו מפיך ומפי זרעך ומפי זרע זרעך אמר יהוה מעתה ועד עולם׃

ואשר גם אתם נטועים בו אחרי שמעכם דבר האמת את בשורת ישועתכם ואשר בו כשהאמנתם גם נחתמתם ברוח ההבטחה רוח הקדש׃

הוא בחפצו ילד אותנו בדבר האמת להיותנו כמו ראשית בכורי יצוריו׃

זכרתי משפטיך מעולם יהוה ואתנחם׃

סמר מפחדך בשרי וממשפטיך יראתי׃

תחי נפשי ותהללך ומשפטך יעזרני׃

קומה יהוה באפך הנשא בעברות צוררי ועורה אלי משפט צוית׃

יהוה ידין עמים שפטני יהוה כצדקי וכתמי עלי׃

כי עשית משפטי ודיני ישבת לכסא שופט צדק׃

נודע יהוה משפט עשה בפעל כפיו נוקש רשע הגיון סלה׃

שפטני אלהים וריבה ריבי מגוי לא חסיד מאיש מרמה ועולה תפלטני׃

אשר שמע חרפתו ולא השיב נענה ולא גער כי אם מסר דינו לשפט צדק ואת חטאתנו הוא נשא בגויתו על העץ׃