בני תורתי אל תשכח ומצותי יצר לבך׃

כי ארך ימים ושנות חיים ושלום יוסיפו לך׃

דרכיה דרכי נעם וכל נתיבותיה שלום׃

והיה מעשה הצדקה שלום ועבדת הצדקה השקט ובטח עד עולם׃

אין שלום אמר אלהי לרשעים׃

שלום אניח לכם את שלומי אתן לכם לא כאשר יתן העולם אנכי נתן לכם אל יבהל לבבכם ואל יחת׃

ופרי הרוח אהבה שמחה ושלום ארך רוח ונדיבות וחסד ואמונה׃

וענוה ופרישות אין תורה לנגד עשי אלה׃

כי במשיח ישוע גם המילה גם הערלה אינן נחשבות כי אם בריאה חדשה׃

וכל המהלכים כפי השורה הזאת שלום ורחמים עליהם ועל ישראל אשר לאלהים׃

ושלום אלהים הנשגב מכל שכל ינצר את לבבכם ואת מחשבותיכם במשיח ישוע׃

את יהוה צבאות אתו תקדישו והוא מוראכם והוא מערצכם׃

וכשלו בם רבים ונפלו ונשברו ונוקשו ונלכדו׃

והיה להם דבר יהוה צו לצו צו לצו קו לקו קו לקו זעיר שם זעיר שם למען ילכו וכשלו אחור ונשברו ונוקשו ונלכדו׃

ואמר סלו סלו פנו דרך הרימו מכשול מדרך עמי׃

אך אין לו שרש תחתיו ורק לשעה יעמד ובהיות צרה ורדיפה על אדות הדבר מיד נכשל׃

כי יקומו משיחי שקר ונביאי שקר ויתנו אתות גדלות ומופתים למען התעות אף את הבחירים אם יוכלו׃

וזה הוא שאמר הכתוב הנני יסד בציון אבן פנה אבן בחן ויקרה והמאמין בה לא יבוש׃

והם נכשלו יען לא שמעו לדבר ולזאת גם נועדו׃