ראה כי פקודיך אהבתי יהוה כחסדך חיני׃

חננני יהוה ראה עניי משנאי מרוממי משערי מות׃

הביטה ענני יהוה אלהי האירה עיני פן אישן המות׃

פן יאמר איבי יכלתיו צרי יגילו כי אמוט׃

ראה אויבי כי רבו ושנאת חמס שנאוני׃

ויאמר יהוה ראה ראיתי את עני עמי אשר במצרים ואת צעקתם שמעתי מפני נגשיו כי ידעתי את מכאביו׃

וארד להצילו מיד מצרים ולהעלתו מן הארץ ההוא אל ארץ טובה ורחבה אל ארץ זבת חלב ודבש אל מקום הכנעני והחתי והאמרי והפרזי והחוי והיבוסי׃

ועתה אלהינו האל הגדול הגבור והנורא שומר הברית והחסד אל ימעט לפניך את כל התלאה אשר מצאתנו למלכינו לשרינו ולכהנינו ולנביאנו ולאבתינו ולכל עמך מימי מלכי אשור עד היום הזה׃

ראה יהוה והביטה למי עוללת כה אם תאכלנה נשים פרים עללי טפחים אם יהרג במקדש אדני כהן ונביא׃

זכר יהוה מה היה לנו הביט וראה את חרפתנו׃

בחקתיך אשתעשע לא אשכח דברך׃

מאיבי תחכמני מצותך כי לעולם היא לי׃

נפשי בכפי תמיד ותורתך לא שכחתי׃

צעיר אנכי ונבזה פקדיך לא שכחתי׃

תעיתי כשה אבד בקש עבדך כי מצותיך לא שכחתי׃