בכל לבי דרשתיך אל תשגני ממצותיך׃

למנצח על נגינת לדוד שמעה אלהים רנתי הקשיבה תפלתי׃

מקצה הארץ אליך אקרא בעטף לבי בצור ירום ממני תנחני׃

בטחו בו בכל עת עם שפכו לפניו לבבכם אלהים מחסה לנו סלה׃

שמח נפש עבדך כי אליך אדני נפשי אשא׃

תפלה לעני כי יעטף ולפני יהוה ישפך שיחו יהוה שמעה תפלתי ושועתי אליך תבוא׃

משכיל לדוד בהיותו במערה תפלה קולי אל יהוה אזעק קולי אל יהוה אתחנן׃

אשפך לפניו שיחי צרתי לפניו אגיד׃

והיא מרת נפש ותתפלל על יהוה ובכה תבכה׃

ותען חנה ותאמר לא אדני אשה קשת רוח אנכי ויין ושכר לא שתיתי ואשפך את נפשי לפני יהוה׃

ובקשתם אתי ומצאתם כי תדרשני בכל לבבכם׃

ואשמרה תורתך תמיד לעולם ועד׃

נשבעתי ואקימה לשמר משפטי צדקך׃

סורו ממני מרעים ואצרה מצות אלהי׃