צדק עדותיך לעולם הבינני ואחיה׃

צדקתך כהררי אל משפטך תהום רבה אדם ובהמה תושיע יהוה׃

שאו לשמים עיניכם והביטו אל הארץ מתחת כי שמים כעשן נמלחו והארץ כבגד תבלה וישביה כמו כן ימותון וישועתי לעולם תהיה וצדקתי לא תחת׃

כי כבגד יאכלם עש וכצמר יאכלם סס וצדקתי לעולם תהיה וישועתי לדור דורים׃

שבעים שבעים נחתך על עמך ועל עיר קדשך לכלא הפשע ולחתם חטאות ולכפר עון ולהביא צדק עלמים ולחתם חזון ונביא ולמשח קדש קדשים׃

באשר צדיק האלהים לגמל לחץ ללחציכם׃

באש להבה להשיב נקם לאשר לא ידעו את האלהים ולא שמעו לבשורת אדנינו ישוע המשיח׃

בבאו ביום ההוא להכבד בקדשיו ולהתפלא בכל המאמינים כי האמנתם לעדותנו אליכם׃

קרוב אתה יהוה וכל מצותיך אמת׃

יראת יהוה טהורה עומדת לעד משפטי יהוה אמת צדקו יחדו׃

קדש אתם באמתך דברך אמת הוא׃

אם אמנם אתו שמעתם ובו למדתם כפי האמת בישוע׃