ואדברה בעדתיך נגד מלכים ולא אבוש׃

תען לשוני אמרתך כי כל מצותיך צדק׃

לכו בנים שמעו לי יראת יהוה אלמדכם׃

פי צדיק יהגה חכמה ולשונו תדבר משפט׃

בשרתי צדק בקהל רב הנה שפתי לא אכלא יהוה אתה ידעת׃

צדקתך לא כסיתי בתוך לבי אמונתך ותשועתך אמרתי לא כחדתי חסדך ואמתך לקהל רב׃

פי יספר צדקתך כל היום תשועתך כי לא ידעתי ספרות׃

אלהים למדתני מנעורי ועד הנה אגיד נפלאותיך׃

לא אמות כי אחיה ואספר מעשי יה׃

את אשר אני אמר לכם בחשך דברו באור ואשר ילחש לאזניכם השמיעו על הגגות׃

ילדי הצפעונים איכה תוכלו למלל טוב ואתם רעים כי משפעת הלב ימלל הפה׃

כי לא נוכל אנחנו לחדל מדבר את אשר ראינו ושמענו׃