כי חטאת קסם מרי ואון ותרפים הפצר יען מאסת את דבר יהוה וימאסך ממלך׃

כסף נמאס קראו להם כי מאס יהוה בהם׃

בן אדם היו לי בית ישראל לסוג כלם נחשת ובדיל וברזל ועופרת בתוך כור סגים כסף היו׃

קבצת כסף ונחשת וברזל ועופרת ובדיל אל תוך כור לפחת עליו אש להנתיך כן אקבץ באפי ובחמתי והנחתי והתכתי אתכם׃

כהתוך כסף בתוך כור כן תתכו בתוכה וידעתם כי אני יהוה שפכתי חמתי עליכם׃

ומי מכלכל את יום בואו ומי העמד בהראותו כי הוא כאש מצרף וכברית מכבסים׃

וישב מצרף ומטהר כסף וטהר את בני לוי וזקק אתם כזהב וככסף והיו ליהוה מגישי מנחה בצדקה׃

אשר בידו המזרה וזרה את גרנו ואסף את דגנו אל אוצרו ואת המץ ישרפנו באש אשר לא תכבה׃

אז אענה בם לאמר מעולם לא ידעתי אתכם סורו ממני פעלי האון׃

והנה כאשר ילקטו הזונין ונשרפו באש כן יהיה בקץ העולם הזה׃

והשליכו אתם אל תנור האש שם תהיה היללה וחרק השנים׃

נחלתי עדותיך לעולם כי ששון לבי המה׃

עת לעשות ליהוה הפרו תורתך׃

על כן כל פקודי כל ישרתי כל ארח שקר שנאתי׃