תמך אשרי במעגלותיך בל נמוטו פעמי׃

עליך נסמכתי מבטן ממעי אמי אתה גוזי בך תהלתי תמיד׃

ואני תמיד עמך אחזת ביד ימיני׃

גם שם ידך תנחני ותאחזני ימינך׃

כי אני יהוה אלהיך מחזיק ימינך האמר לך אל תירא אני עזרתיך׃

ואני אתן להן חיי עולמים ולא תאבדנה לנצח ואיש לא יחטף אתהן מידי׃

האב אשר נתנן לי גדול הוא על כל ואיש לא יחטף אתהן מיד האב׃

מי אתה כי תדין את עבד האחר הן לאדניו הוא יקום או יפל אבל יוקם כי יכל האלהים להקימו׃

הנשמרים בעז אלהים על יד האמונה לתשועה העתידה להגלות בעת קץ׃

ולאשר יכול לשמרכם בבלי מכשול ולהעמיד אתכם בששון תמימים לפני כבודו׃

אז לא אבוש בהביטי אל כל מצותיך׃

ואשא כפי אל מצותיך אשר אהבתי ואשיחה בחקיך׃

נחלתי עדותיך לעולם כי ששון לבי המה׃

נטיתי לבי לעשות חקיך לעולם עקב׃